Incidenti në pistë

Formula 1

Incidenti në pistë

Më: 6 maj 2022 Në ora: 12:08
Incidenti në pistë

Kjo nuk është një periudhë pozitive për pilotin spanjoll të Ferrarit, Carlos Sainz.

Pas dy tërheqjeve në dy garat e fundit, ai ka pësuar sot një aksident të vogël në pistën e Majemi, ku të dielën do të zhvillohet gara e radhës në Formula 1.

Në momentin që spanjolli i “kokëkuqes” po ngjitej nga pista për të hyrë në bokse, ai ka goditur me kokë një barriere mbrojtëse metalike. Goditja me kokë ka qenë shumë e fortë, aq sa një curril gjaku ka rrjedhur nga koka e Carlos Sainz.

Asgjë me rëndësi, por një incident që ka detyruar pilotin spanjoll të mjekohet për disa minuta. Ai do të jetë rregullisht sot në Majemi, në dy sesionet e para të provave të lira që do të zhvillohen në pistën debutuese amerikane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat