Leclerc me Ferrari siguroi “pole position”

Formula 1

Leclerc me Ferrari siguroi “pole position”

Më: 21 maj 2022 Në ora: 17:16
Leclerc me Ferrari siguroi “pole position”

Charles Leclerc me Ferrari siguroi pasditen e sotme “pole position” në pistën e Montmelo (Barcelonë), të vlefshëm për garën e Çmimit të Madh të Spanjës në Formula 1. Ferrari rikthehet makina më e shpejtë, duke dhënë kohën 1’18”750, në një sfidë të fortë me Red Bull e Mercedes. Makina gjermane rikthehet protagoniste në këtë pistë, duke rivalizuar me dy të tjerat.

Në vendin e dytë u klasifilkua kampioni i botës në fuqi, holandezi Max Verstappen me Red Bull.

Në përpjekjen e tij të fundit për “pole” ai pati një probleme në njëvendëshen e tij, duke mos dhënë kohë.

Gjithsesi, ai do ta nisë garën nga vija e parë e startit. Në vendin e tretë u rendit makina tjetër Ferrari, ajo e spanjollit Carlos Sainz, që sot pati mbështetjen e publikut të tij.

Mirë u paraqitën dy makinat Mercedes, në vendet 4 e 6 me britanikët George Russell e Lewis Hamilton, që synuan edhe “pole”. Mes tyre u rendit makina tjetër Red Bull, ajo e meksikanit Sergio Perez. Në “top-10” më të mirët e provave zyrtare edhe Bottas, Magnussen, Ricciardo e Mick Schumacher. Të dielën, ora 15:00, do të zhvillohet gara e gjashtë sezonale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat