Ferrari dominon provat e para sezonale

Formula 1

Ferrari dominon provat e para sezonale

Më: 23 nëntor 2022 Në ora: 12:05
Ferrari dominon provat e para sezonale

Dy ditë pas përfundimit të botërorit 2022 në Formula 1, në pistën e Yas Marina u zhvilluan testet e para. Në pistë kanë zbritur thuajse të gjithë pilotët që do të garojnë edhe sezonin e ardhshëm, përfshi edhe debutuesin Oliver Piastri (me McLaren) e Fernando Alonso me makinën e re Alpine.

Gjithsesi, kohën më të shpejtë e kanë dhënë pilotët e Ferrari. Më i shpejti ishte Carlos Sainz, që la pas shokun e tij të skuadrës Charles Leclerc dhe pilotin rezervë të “kokëkuqes”, Robert Shwartzman. Ata zunë tri vendet e para në këto teste, ku më së shumti u provuan gomat e reja Pirelli.

Në vendin e katërt u rendit Pierre Gasly me Alpine, që la pas kampionin e botës në fuqi Max Verstappen me Red Bull. Në pistë zbritën edhe mjaft pilotë të rinj, si Liam Lawson, Logan Sargeant apo Nyck De Vries.

Testet e radhës do të zhvillohen në shkurt të vitit të ardhshëm, ndërsa sezoni i ri nis më 4 mars.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat