Kushtrim Bytyqi e përfaqëson Kosovën në Buzet

Formula 1

Kushtrim Bytyqi e përfaqëson Kosovën në Buzet

Më: 19 shtator 2025 Në ora: 17:04
Makina

Kushtrim Bytyqi është njëri nga garuesit me formën dhe rezultatet më të mira gjatë viti 2025.

Përveç në Kampionatin e Kosovës, Kushtrimi ka rezultate të mira edhe në arenën ndërkombëtare, prandaj Buzeti është edhe një mundësi e mirë për të dëshmuar se ambiciet e tij janë shumë serioze.

Pjesëmarrjen e Bytyqit në Buzet e ka konfirmuar edhe Auto Klubi Ferizaj, në faqen zyrtare të të cilit përveç pasqyrohet qartë synimi për titullin e kampionit në FIA CEZ.

“Auto Klubi Ferizaj ka kënaqësinë të njoftojë se garuesi ynë Kushtrim Bytyqi do të përfaqësojë klubin dhe Kosovën në garën e famshme të Buzet Hillclimb, Kroaci, që zhvillohet këtë fundjavë.

Kjo garë është vendimtare për titullin e kampionit në FIA CEZ (Central European Zone), një ndër eventet më prestigjioze në kalendarin ndërkombëtar të garave malore”, thuhet ndër të tjera në njoftimin e AK Ferizajt.

comment Për komente lëvizni më poshtë
Sot mund të lexoni Shfletoni kopertinat