Nga votat e diasporës për Gjilanin, Alban Hyseni i LVV-së shton epërsinë ndaj Hazirit të LDK-së

Gjilani

Nga votat e diasporës për Gjilanin, Alban Hyseni i LVV-së shton epërsinë ndaj Hazirit të LDK-së

Më: 24 tetor 2021 Në ora: 17:51
Alban Hyseni

Nga numërimi i votave të rregullta në Komunën  e Gjilanit, Alban Hyseni i LVV-së kishte një epërsi prej 261 votave ndaj Lutfi Hazirit të LDK-së, që  u rendit i dyti në garën.

Por me përfundimin e numërimit të votave të ardhura nga diaspora në Qendrën e Numërimit dhe Rezultateve, rezultati thellohet në favor të kandidatit të LVV-së.

Në bazë të rezultateve të siguruara, rezultati i diasporës është për 100 vota në favor të Alban Hysenit të LVV-së në raport me Lutfi Hazirin e LDK-së.

Alban Hyseni (LVV) – 199 vota

Lutfi Haziri (LDK) – 99 vota

Leonora Morina-Bunjaku (PDK) – 20 vota

Lulzim Bexheti – 4 vota

Gani Neziri – 1 votë

Nazim Gagica – 1 votë.

Më këtë rezultat diferenca e dy kandidatëve që do të garojnë në raundin e dytë është 361 vota.

Kujtojmë, votat e diasporës nuk e ndryshojnë shumë rezultatin në Gjilan dhe kjo komunë shkon ën balotazh.

Gjatë ditës pritet të numërohen edhe votat me kusht dhe votat e personave me nevoja të veçanta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat