Si u mashtrua në projektin për renovimin e spitalit në Gjilan? Drejtori flet për arrestimin e një personi

Gjilani

Si u mashtrua në projektin për renovimin e spitalit në Gjilan? Drejtori flet për arrestimin e një personi

Më: 23 nëntor 2021 Në ora: 00:33
Spitali i Gjilanit

Policia e Kosovës konkretisht departamenti për krime ekonomike ka njoftuar se është arrestuar një person, i njëjti është pronar i një kompanie nga Prishtina, pasi dyshohet se me një dokument të rremë ka aplikuar në një konkurs që e ka hapur spitali i përgjithshëm i Gjilanit.

Drejtori i Spitalit të përgjithshëm në Gjilan, Arsim Emini ka folur lidhur me arrestimin e tij, teksa shtoi se kjo është vërejtur pasi që kompania e dytë që ka konkurruar ka kërkuar qasje në dokumentet e prokurimit.

“Në fillim është hapur një tender, në të cilin kanë konkurruar shumë kompani, teksa në fund është zgjedhur kompania me çmimin me të ulët. Në kohën e duhur, kompania e dytë e cila konkurruar në këtë tender, ka kërkuar qasje në dokumente zyrtare sipas ligjit të prokurimit, i është mundësuar kjo, dhe kompania e njëjtë pas shikimit të dokumenteve ka konstatuar se ka dokumente fals në dokumentet me të cilat ka konkurruar kompania e parë”, ka thënë Emini.

Tutje, Emini ka thënë se kompania që e ka përdorë pa autorizim licencën e arkitektes, e njëjta e ka dërguar rastin në polici.

“Përkatësisht dokumente të cilat janë përdorur pa autorizimin e personave të caktuar nga kompania fituese, licenca e personit që është shfrytëzuar si dokument në rastin e konkurrimit të kompanisë së parë, ka dërguar email në zyrën e prokurimit, dhe e ka vërtetuar se kompania fituese e ka përdor dokumentin e saj, licencën e saj, arkitektes, e ka përdorë pa autorizim, pastaj kjo kompania më pas është shpall si e papërgjegjshme, teksa arkitektja në fjalë rastin e ka dërguar në polici dhe prej atëherë me këtë rast është marr policia, që sot ka përfunduar me arrestimin e një person”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat