Një ngjarje e rëndë me pasojë plagosjen ka ndodhur në Korçë.
Mësohet se ngjarja ka ndodhur sot pas një sherri të momentit, në lagjen nr 17, prapa tregut të shumicës.
Mësohet se i plagosur me thikë ka mbetur i riu 26-vjeçar, Armando Trimi.
Dyshohet se ai është plagosur nga 2 persona të tjerë.
I plagosuri është dërguar me urgjencë në spitalin rajonal të Korçës, dhe ndodhet nën kujdesin e mjekëve.
Policia dhe grupi hetimor ka nisur punën për zbardhjen e plotë të ngjarjes.
Ndërkaq janë identifikuar dy autorët e dyshuar të ngjarjes dhe po punohet për kapjen e tyre.
