23 vjeçari gjendet me fyt të prerë në një kanal të Fierit - Bota Sot
23 vjeçari gjendet me fyt të prerë në një kanal të Fierit

Kronikë e zezë

23 vjeçari gjendet me fyt të prerë në një kanal të Fierit

Më: 13 gusht 2019 Në ora: 07:54
Ilustrim

Të tjera detaje dalin në dritë nga vrasja e 23-vjeçarit që u gjet i pajetë në një kanal tek “Kthesa e Hamilit” në fshatin Sulaj të Fierit. Viktima Florian Selimi, rezulton person me precedent penal për vjedhje.

Kanë qenë banorët e zonës ata që kanë njoftuar policinë, pasi kanë parë mjetin tip ‘Renault’ me targa AA 461 EN të shkatërruar, me një gomë të hequr dhe kofano e hapur.

Ndërkohë, pak metra me tutje u gjet edhe i riu i pajetë, ndërsa në fyt kishte plagë nga goditja e thikës, që ka rezultuar fatale për të. Nga të dhënat e para dyshohet se automjeti që drejtonte i riu ka pësuar defekt, ndërsa ngjarja ka ndodhur pas një konflikti që mund të ketë pasur mes autorit dhe viktimës. Po ashtu mësohet se i riu e përshkonte çdo ditë këtë rrugë.Makina është e shkatërruar, ndërsa pak më tej në një kanal me shkurre gjendet viktima. Aktualisht policia ndodhet në vendin e ngjarjes dhe po punon për zbardhjen e rrethanave.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...