Një grua është vënë në pranga nga policia pasi akuzohet se në banesën e saj është gjetur një sasi kanabisi që ishte duke u tharë. Përveç arrestimit të gruas, policia ka bërë të ditur se është shpallur në kërkim edhe bashkëshkorti i saj.
Gjatë kontrollit të ushtruar në banesën e Fatmir Shehit, në njërën nga dhomat u gjet një sasi lënde narkotike, në formë boçeje, në proçes tharje, me peshë rreth 2 kilogramë e cila u sekuestrua në cilësinë e provës materiale.
Në këto kushte nga shërbimet e Komisariatit të Policisë Mat, u bë arrestimi në flagrancë të Nexhmije Shehi, 48 vjeç, banuese në fshatin Myz, njësia Administrative Lis Mat, bashkëshortja e Fatmir Shehit.
Nga verifikimi në sistem rezultoi se këto targa nuk i përkasin këtij mjeti i cili u sekuestrua në cilësinë e provës materiale.
Materialet procedurale në lidhje me këtë ngjarje do t'i referohen Prokurorisë së Matit për veprime të mëtejshme për veprat penale “Prodhim e Shitje të narkotikëve” dhe “Kultivim të bimëve narkotike”.