Babë e bir kanë rënë në prangat e policisë së Korçës për plagosjen rëndë të krushkut të tyre.
Blutë arrestuan shtetasin Petrit Çaushllari 47 vjeç dhe djalin e tij Emiljano Çaushllari 21 vjeç, të dy banues në fshatin Buçimas të Pogradecit.
Ngjarja raportohet se ka ndodhur një ditë më parë (datë 28.07.2017)në fshatin Dërsnik të Korçës.
Babë e bir pas një konflikti për motive të dobëta, kanë goditur me mjete të forta në kokë dhe trup, shtetasit P.B 60 vjeç, si edhe djalin e tij shtetasin S.B 26 vjeç, në banesën e këtyre të fundit.
Nga hetimet e kryera rezulton se autorët e dyshuar të ngjarjes, kanë lidhje krushqie me dy të plagosurit, pasi vajza e Petrit Çaushllarit është nusja e djalit të shtetasit P.B dhe kunata e S.B.
P.B aktualisht ndodhet në Spitalin Rajonal të Korçës, nën kujdesin intensiv të mjekëve.
Katër shtetasit e mësipërm dyshohet të jenë përfshirë në këtë konflikt fizik mes tyre pas një debati për motive të dobëta, kryer midis shtetasit P.B dhe nuses të djalit të tij.
Materialet i kaluan Prokurorisë të Rrethit Gjyqësor Korçë për veprën penale : “Plagosja e rëndë me dashje, kryer në bashkëpunim”.