Policia e Pogradecit ka vënë në pranga një 48 vjeçar nga Tirana për aksidentimin e një të moshuari.
Adrian Haxhillazi akuzohet se në rrugën Pogradec-Qafe Thanë në vendin e quajtur “Guri i Kuq”, duke drejtuar mjetin “Daimler Crysler” me targë AA691NN, ka aksidentuar një këmbësor në rrugë.
I plagosuri H.Ç 73 vjeç, banues në Pogradec, pas ndihmës së marrë në Spitalin e Pogradecit, është tranportuar drejt Tiranës për mjekim më të specializuar.
Materialet i kaluan Prokurorisë të Rrethit Gjyqësor Pogradec për veprën penale“Shkelja e rregullave të qarkullimit rrugor”.