Nga lufta, droga, dashuria e deri te erotika ekstreme

Libra

Nga lufta, droga, dashuria e deri te erotika ekstreme

Nga: Ilir Muharremi Më: 2 janar 2022 Në ora: 09:02
Ballina e librit

Fragment nga romani "Ti" i Ilir Muharremit.

"Shëmbëllente më fort si një çupëlinë. Tentova ta puth, por ajo m’i hiqte buzët dhe i mbante të ngrira. Buzët ia putha, por gjuha nuk depërtoi brenda. Tentova shumë herë, mezi e putha. Ishte një e puthur e ngadaltë dhe e gjatë. Buzët e saj ishin të njoma dhe të freskëta.

S’më shqiteshin nga mendja leshrat e gjata.

 “Çfarë po ndodh me Klodianën?”, - ma ndërpreu puthjen. “E kam harruar.”, - iu përgjigja.

Maria pak u largua dhe filloi të zhvishej, i hoqi të gjitha rrobat. Kishte një trup të përkryer, fati më kishte buzëqeshur edhe këtë radhë. Zotat ishin me mua.

“Mendoj se të adhuroj.”, - i thashë kësaj bukuroshe. U shtri në divan. Ishte lakuriq, ndërsa drita që i

binte nëpër trup, krijonte ca hije të ndriçuara dhe asnjë qime nuk e kishte në trup.

 “Baj çfarë të duash me mua.”, - më tha.

 Iu afrova, ia preka barkun lehtë, ajo sytë i kishte të mbyllur dhe kokën e ktheu kah dritarja. Rrezet e diellit kishin pikturuar peizazh mbi fytyrën e saj të njomë.

Ndonjëherë ndihem sikur e kam parë që çdo gjë që ka për të ndodhur dhe është një makth. Loti doli nga sytë e mi, rrodhi kah faqet drejt buzëve të mia. E kishte shijen e ujit të detit, sepse lotët e të gjithë atyre të dashuruarve i kanë mbushur detrat dhe oqeanet.

“Çfarë?”, - më pyeti Maria, e cila e vërejti fytyrën time.

 “Asgjë, thjesht, më fal, më fal, më fal!”, qaja, nganjëherë edhe me zë..."

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat