Fragment prekës nga lufta e fundit

Libra

Fragment prekës nga lufta e fundit

Nga: Ilir Muharremi Më: 9 janar 2022 Në ora: 08:47
Ballina e librit

Fragment nga romani "Ti" i Ilir Muharremit.

"Serbët u pozicionuan, filluan ta kthenin zjarrin në drejtimin tonë. E në të njëjtën kohë i vrisnin edhe civilët, të cilët filluan të iknin në drejtim të panjohur përgjatë fushës së gjelbër. I vrava tre, katër, tashmë u bënë pesë paramilitarë. Breshëri plumbash nga të gjitha anët, qëndroja i fshehur pas një peme dhe e drejtoja tytën e automatikut në drejtim të tyre.

Gjuaja si i çmendur. Civilët pothuajse i vranë të gjithë. Serbët ngadalë vërsuleshin në drejtimin tonë, ndërsa UÇK-ja qëndronte stoike dhe kishte të vrarë nga ana jonë, po ashtu edhe nga ana e serbëve. “Thyejani hundët serbëve!”, - bërtiti komandanti. “Mbani pozicionet tuaja, mbulojeni njëri-tjetrin!”,- dëgjohej zëri i tij i cili tashmë ishte shterur.

“Nuk do të zgjasë shumë, ndoshta njëzet minuta.”, - tha ai. “Duhet të durojmë. ”Thyejani hundët edhe atij zvarraniku! Nxërjani lepurin nga barku!”, - bërtiste sa mundte komandanti i cili gjuante breshëri

plumbash të mallkuar. Një plumb si rrufe, ndonëse ishte tinëzar e goditi në gjoks komandantin. “U plagos komandanti!”, - bërtita dhe vrapova në drejtimin e tij për t’ia dhënë ndihmën e parë..."

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat