Mes jetës dhe vdekjes

Libra

Mes jetës dhe vdekjes

Nga: Ilir Muharremi Më: 15 janar 2022 Në ora: 09:06
Ballina e librit

Fragment nga romani "Ti" i Ilir Muharremit.

"Po bëhesha shumë keq”, - ia ktheva. “Po, e po tani jam unë e sëmurë dhe më duhet t’i anuloj të gjitha klasat, sepse e bëj në brekë.”, - ma ktheu ajo, derisa ma hodhi qesen me drogë në fytyrë. Nuk kisha forcë as dorën ta ngritja, e lëre më të merresha me

Marinë. “Po përpiqem shumë të bëj diçka.”, - tha ajo. “Thjesht dua të rri në shtëpi ta shijoj divanin tim dhe efektin e tij.”, - pëshpëriste në vete Mari. Ajo po dridhej, mori një lugë e mbushi me pak drogë dhe me shkrepsë e nxente lugën përfundi, derisa droga u bë lëng. Qante dhe vetëm qante. Më dhimbsej pse e kisha futur në këtë rrugë edhe Marinë. “Nuk

mundem, nuk mundem, nuk mund ta bëjë. A mund të më ndihmosh?”, - bërtiti ajo. “Në rregull është zemër, në rregull.”, - ia ktheva dhe iu afrova, e shtrëngova, derisa flakërimat e dritës shpërthenin në trupin e saj. Unë i shtrëngoja nofullat. “Është në rregull. Këtu lidhe krahun.”, - i thashë, derisa ia lidha krahun dhe e mbusha shiringën me drogë, por mezi ia gjeta

një damar të freskët, për ta mbushur me lëngun e drogës. U shtri në divan dhe unë lehtësisht e putha në faqe. U afrova afër saj, e mbështeta kokën te krahu i saj dhe i mbylla sytë. Më doli gjumi. Gjendja e Marisë keqësohej. Mezi merrte frymë, bënte ca lëvizje me kokë majtas e djathtas. Nuk dija se çfarë të bëja.

Sillesha rreth dhomës, ajo nuk përmirësohej. E thirrja në emër, po ashtu ia dhashë ca shpulla. Ajo i humbi komplet ndjenjat. Nuk i hapte sytë. E thirra ambulancën, u vonua një çikë, por erdhi." ..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat