20 minuta “gurë” nga qielli - Bota Sot
20 minuta “gurë” nga qielli

Ndryshe

20 minuta “gurë” nga qielli

Më: 20 mars 2019 Në ora: 07:59
Kinë

Një stuhi e frikshme përfshiu pjesën jugore të Kinës këtë të martë, me kokrra breshëri që thuhet se ishin aq të mëdha sa një vezë.

Banorët e Jinping, në provincën e Yunnan, kur u zgjuan i gjetën makinat e tyre të shkatërruara, dritaret e thyera dhe rrugët e mbuluara nga grumbuj të mëdha akulli.

Sipas asaj që shkruan e përditshmja britanike DailyMail, vendi u përfshi nga një stuhi breshëri që zgjati vetëm 20 minuta, gjatë orëve të mëngjesit. Fatmirësisht nuk raportohet për të dëmtuar në njerëz.

Në fotot e shpërndara nga banorët e zonës në rrjetet sociale, mund të shihen madhësia e kokrrave të breshërit, të cilat janë vërtetë të mëdha.

Dëmtime të rënda pësuan edhe çatitë e shtëpive, si  dhe të mbjellat në fusha.

Sipas shërbimit meteorologjik të Yunnan, stuhia nisi rreth orës 06:40 të mëngjesit dhe shoqërohej me era të forta që shkonin deri në 70 kilometra në orë. Sipas autoriteteve, stuhi të tillë nuk ishte parë prej shumë vitesh.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...