7 vjeçarja i dërgon letër Babadimrit, kërkesa e saj ka prekur botën - Bota Sot
7 vjeçarja i dërgon letër Babadimrit, kërkesa e saj ka prekur botën

Ndryshe

7 vjeçarja i dërgon letër Babadimrit, kërkesa e saj ka prekur botën

Më: 21 nëntor 2019 Në ora: 16:21
7 vjeçarja i dërgon letër Babadimrit, kërkesa e saj ka prekur botën

Shtëpi për familjen e saj dhe ushqim për të ngrënë, është kërkesa që një 7 vjeçare nga Liverpooli, Angli, ia ka bërë Babadimrit.

Siç raporton BBC, letra është gjetur në një kuti postare në prag të Krishtlindjeve në Qendrën e komunitetit në Everton, Liverpool.

Këshilltari i këtij komuniteti, Gerard Woodhouse, i cili e hapi këtë letër tha se “ishte aq shqetësuese për ta lexuar”.

Shirley Marshall nga po kjo qendër, tha se sapo letra u bë virale në rrjetet sociale, nisën edhe mbështetjet për vajzën e familjen e saj.

“I dashur babadimër. A mund të më ndihmosh. A mund të kemi një shtëpi për Krishtlindje. Mami ka dëshirë të jemi të gjithë bashkë. A mund të kemi edhe pak ushqim, dhe a mund të kem unë edhe një kukull të bukur për Krishtlindje? Faleminderit”, kishte shkruar 7 vjeçarja. Letra u shfaq kur ekipi në qendër të komunitetit filloi të dekoronte për sezonin festiv.

Është mësuar se vajza dhe motrat e saj të vogla, për shkak të kushteve të rënda, jetojnë tek një i afërm.

Ekipi i qendrës së komunitetit po përpiqet të ndihmojë familjen dhe pritet t’i vendosë ata në një hotel, ditën e Krishtlindjeve.

Shfaq komentet
comments powered by Disqus
Sot mund të lexoni Shfletoni kopertinat