Dy pacientë të infektuar me Covid-19, nga shtrati i spitalit Infektiv këtë të mërkurë iu kanë bërë apel qytetarëve që të vaksinohen.
Një grua thotë se ka bërë gabimin më të madh në jetë që nuk e bëri vaksinën. Ajo rrëfen se burri i saj që u vaksinua nuk u sëmur, kurse vetë ajo përfundoi e sëmurë rëndë.
“Kam bërë gabimin më të madh në jetë dhe po vuaj sot, njerëz vaksinohuni sa më shumë. Burri i vaksinuar nuk u sëmur, unë e pavaksinuar u sëmura rënda.”- tha pacientja.
Ndërsa një tjetër pacient iu bën thirrje qytetarëve shqiptarë që të mos hezitojnë, por të vaksinohen.
”Vaksinohuni, vaksinohuni edhe mos hezitoni.”- thotë pacienti.
