Pas Prishtinës, edhe në këtë komunë do të bëhet vaksinimi në shesh

Prizreni

Pas Prishtinës, edhe në këtë komunë do të bëhet vaksinimi në shesh

Më: 27 tetor 2021 Në ora: 18:09
Prizren

Prizrenasit më datën 28 dhe 29 tetor do të kenë mundësi të vaksinohen në sheshin e këtij qyteti.

Në sheshin e Prizrenit do të mund të vaksinohen vetëm ata që e marrin dozën e parë të vaksinës, ndërkaq doza e dytë merret në qendrën e vaksinimit.

Qytetarët, pa dallim se cilës komunë i përkasin, vaksinimin në sheshin e Prizrenit kanë mundësi ta bëjnë nga ora 10 deri në 17 dhe nuk kanë nevojë për termin.

“Ju njoftoj se më datën 28 dhe 29 tetor 2021 QKMF -Prizren do të realizojë procesin i vaksinimit kundër Covid-19 me ekipet mobile në sheshin e qytetit të Prizrenit -Shadervan. Vaksinimi realizohet vetëm për dozën e parë (doza e dytë merret si zakonisht në qendrën e vaksinimit). Vaksinimi i qytetarëve do të realizohet pa dallim se nga cila komunë është. Vaksinimi i qytetarëve në shesh do të realizohet pa termin. Vaksinimi fillon prej orës 10 deri ora 17”, ka njoftuar drejtori i QKMF-së në Prizren, Xhevat Elezkukaj.

Ky aktivitet vjen pas atij të Prishtinës që u bë gjatë javës së kaluar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat