KDTP mbështet Mytaher Haskukën në balotazhin e Prizrenit

Prizreni

KDTP mbështet Mytaher Haskukën në balotazhin e Prizrenit

Më: 8 nëntor 2021 Në ora: 17:26
Foto nga takimi

Partia e komunitetit turk KDTP, do të mbështes kandidatin e LVV për kryetar të Prizrenit, Mytaher Haskuka në garën e balotazhit.

Një gjë e tillë është konfirmuar nga kandidati Haskuka përmes një postimi në facebook, ku shihet ai dhe kryetari i Partisë Demokratike Turke (KDTP), Fikrim Damka.

“Falënderoj kryetarin e Partisë Demokratike Turke (KDTP), Fikrim Damka që iu përgjigj kërkesës së qytetarëve për të bashkë qeverisur më shumë për Prizrenin”, ka njoftuar Haskuka.

“Qeverisja e mirë dhe bashkëpunimi i mirëfilltë gjatë këtyre katër viteve, do të vazhdojë edhe në mandatin e ardhshëm, për të çuar përpara projektet madhore në interes të të gjithë qytetarëve të Prizrenit”, ka shkruar tutje Haskuka.

Haskuka thotë se bashkëpunimi me KDTP-në do të vazhdojë si në nivelin lokal ashtu edhe në nivelin qendror.

“Me kryetarin Damka kemi pasur një bashkëpunim të mirë edhe si ministër i Zhvillimit Rajonal, i cili ka rezultuar me projekte të rëndësishme për Prizrenin. Ky bashkëpunim i suksesshëm do të vazhdojë edhe në të ardhmen, si në nivelin lokal, ashtu edhe në nivelin qendror”, thuhet në fund të njoftimit.

 

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat