Pas rrëshqitjes së dheut në rrugën Prizren – Reçan, Totaj del në vendngjarje

Prizreni

Pas rrëshqitjes së dheut në rrugën Prizren – Reçan, Totaj del në vendngjarje

Më: 12 dhjetor 2021 Në ora: 22:50
Kryetari i Prizrenit, Shaqir Totaj

Kryetari i Prizrenit, Shaqir Totaj, ka njoftuar se ka dalë në vendin ku sonte ka pasur rrëshqitje të dheut, me ç’rast u bllokua rruga.

Totaj ka thënë se nuk është raportuar për të lënduar, duke shtuar se kontraktorët e ministrisë nuk mund të arrijnë me kohë të reagojnë dhe sipas tij paraqitet nevoja për reagim të shpejtë.

“Pas rrëshqitjes së dheut mes dy tuneleve në rrugën Prizren – Reçan, isha në vend të ngjarjes. Nga personat kompetentë për ngjarje të tilla, policia dhe ministria, kompetencë e së cilës është përkujdesja për rrugët regjionale, u informova se për fat të mirë nuk kishte të lënduar nga ky aksident”, ka shkruar Totaj në Facebook.

“Rruga për shkaqe sigurie është përkohësisht e mbyllur. Ofrova ndihmën e Komunës së Prizrenit po që se kontraktorët e Ministrisë nuk mund të arrijnë me kohë të reagojnë dhe paraqitet nevoja për reagim të shpejtë”, ka shtuar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat