Sveçla për largimin e flamurit turk në Prizren: Veprimet e tilla dëmtojnë rëndë vlerat tona si shtet!

Prizreni

Sveçla për largimin e flamurit turk në Prizren: Veprimet e tilla dëmtojnë rëndë vlerat tona si shtet!

Më: 19 shkurt 2022 Në ora: 19:26
Xhelal Sveçla

Ministri i Punëve të Brendshme, Xhelal Sveçla, ka reaguar ndaj sulmit që i është bërë flamurit turk në Prizren nga disa të rinj.

Sipas Sveçlës, ky ishte një veprim i papranueshëm dhe se policia ka reaguar me kohë duke bërë arrestimin e të dyshuarve.

I papranueshëm veprimi i disa të rinjve të cilët kanë larguar flamurin e shtetit turk nga shtyllat në qytetin e Prizrenit. Policia e Kosovës ka reaguar me kohë duke i arrestuar të njëjtit të cilët do të procedohen sipas legjislacionit në fuqi karshi shkeljes së shkaktuar”, ka shkruar Sveçla në Facebook.

Sveçla tha se veprime të tilla dëmtojnë vlerat e Kosovës.

“Veprimet e tilla dëmtojnë rëndë vlerat tona si shtet në të cilin mbizotëron bashkëjetesa dhe toleranca ndëretnike”, ka shkruar tutje ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat