Sokoli: Nuk është e vërtetë se gjatë mandatit të LVV-së në Prizren ka pasur punëtorë pa kontrata

Prizreni

Sokoli: Nuk është e vërtetë se gjatë mandatit të LVV-së në Prizren ka pasur punëtorë pa kontrata

Më: 22 korrik 2022 Në ora: 00:21
Selman Sokoli

Asamblisti i LVV-së në Komunën e Prizrenit, Selman Sokoli ka demantuar deklaratën e kryetarit të PDK-së në këtë komunë, Shaqir Totajt, i cili pati thënë se kur e ka marrë mandatin ka gjetur një numër të madh të punëtorëve që kanë punuar nëpër drejtori pa kontrata.

Sokoli e ka quajtur të pavërtetë deklaratën e Totajt, teksa tha se LVV-së i janë drejtuar edhe ndërkombëtarët si dhe KFOR-i, por që sipas tij, nuk kanë gjetur asgjë.

“Kjo nuk është e vërtetë, menjëherë pas kësaj deklarate, neve na janë drejtuar institucionet edhe ndërkombëtare edhe KFOR-i, dhe ju kemi thënë që munden me iu drejtuar komunës, mirëpo siç duket nuk kanë gjet asgjë”, deklaroi Sokoli.

Sipas tij, PDK-ja deklaratat i ka të pabazuara.

“Thjesht ka qenë një deklaratë. PDK-ja në Prizren ka inflacion të deklaratave dhe i ka shumë ta pabazuara”, tha më tej Sokoli. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat