Asamblisti i LVV-së: Kryetari i Prizrenit e ka braktisur programin që e ka prezantuar në fushatë zgjedhore

Prizreni

Asamblisti i LVV-së: Kryetari i Prizrenit e ka braktisur programin që e ka prezantuar në fushatë zgjedhore

Më: 22 korrik 2022 Në ora: 00:41
Selman Sokoli

Asamblisti i Lëvizjes Vetëvendosje në Prizren, Selman Sokoli foli për qeverisjen e Partisë Demokratike të Kosovës në Prizren.

Sokoli deklaroi se qeverisja aktuale në Prizren e ka braktisur programin qeverisës për të cilin thotë se  kryetari i tanishëm, Shqair Totaj e kishte prezantuar në kohën e fushatës zgjedhore në vitin 2021.

Asamblisti i LVV-së thekson se Kryetari i Prizrenit e ka konfirmuar edhe publikisht në asamblenë komunale.

“Qeverisja aktuale ka ardhur me një program, Kryetari i Komunës së Prizrenit nga radhët e PDK-së, gjatë kohës së zgjedhjeve e ka pasur një program qeverisës mirëpo me të marrë pushtetin ai e ka braktisur atë program, të paktën kështu e ka thënë edhe publikisht në asamblenë komunale. E kemi parë edhe përmes medieve që ai ka thënë se koha e fushatës është kohë e fushatës, koha e qeverisë është kohë e qeverisë, në fushatë thuhen gjëra të tjera, në qeveri bëhen gjëra të tjera”, tha Sokoli.

Ndërkohë Lëvizja Vetëvendosje kishte qeverisur në Komunën e Prizrenit për 4 vite me radhë prej vitit 2017 deri në vitin 2021 ndërsa tani ky qytet udhëhiqet nga Partia Demokratike e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat