Çdo vit, 5200 ton pluhur jashtëtokësor bie në Tokë

Shkencë & Teknologji

Çdo vit, 5200 ton pluhur jashtëtokësor bie në Tokë

Më: 11 prill 2021 Në ora: 21:49
Foto ilustrim

Ne jemi të informuar për shumë kohë që pluhuri hapësinor po bie vazhdimisht në Tokë, por duke pasur parasysh madhësinë e tij mikroskopike, ishte e vështirë të përcaktohej saktësisht në çfarë sasie.

Gjegjësisht, grimcat e pluhurit hapësinor (mikrometeoritet) nuk janë më të mëdha se një fraksion i milimetrit dhe bien në Tokë nga asteroidet dhe kometat që kalojnë si zbokthi.

Një ekip ndërkombëtar shkencëtarësh, pas dy dekadave të mbledhjes dhe analizimit të këtyre grimcave në Antarktidë, ka qenë në gjendje të përcaktojë sasinë vjetore të tyre. Ai zbuloi se në planetin tonë çdo vit bien mesatarisht rreth 5200 ton pluhur hapësinore me grimca më të vogla se 700 mikrometra. Këto mikrometeoritë janë burimi më i madh i materialit jashtëtokësor në sipërfaqen e Tokës.

Atmosfera e planetit tonë është e mbushur me pluhur të ndryshëm. Kërkimet nga viti i kaluar treguan se ka rreth 17 milionë tonë pluhur në atmosferën tonë në çdo kohë të caktuar, shkruan Science Alert.

Ekipi më pas analizuan dendësinë e grimcave të pluhurit për të përcaktuar origjinën e saj. Dendësia më e ulët dhe poroziteti më i lartë sugjerojnë që pluhuri buron nga kometat, dhe dendësia më e lartë dhe poroziteti më i ulët nga meteorët. Ata zbuluan se afërsisht 80 për qind e pluhurit kozmik që arrin sipërfaqen e Tokës vjen nga kometat.

Shfaq komentet
comments powered by Disqus
Sot mund të lexoni Shfletoni kopertinat