Google ka prezantuar një aplikacion që përdor inteligjencën artificiale për të ndihmuar të zbulojë gjendjet në lëkurë, flokë dhe thonjtë, bazuar në imazhe të shkarkuara nga pacientët, raporton BBC.
Testimi i “pajisjes ndihmëse për dermatologji”, i zbuluar nga gjiganti i teknologjisë gjatë konferencës vjetore të zhvilluesëve, Google IO, pritet të lansohet më vonë këtë vit.
Aplikacioni ka marrë markën “CE” për përdorim si pajisje mjekësore në Evropë.
Ekspertët e sëmundjeve të kancerit thonë se avancimi i inteligjencës artificiale mund të ndihmojë mjekët të ofrojnë tretmanë më të mirë për pacientë.
Aplikacioni mund të njohë 288 gjendje të lëkurës, por nuk është i dizajnuar si zëvendësim për diagnozën mjekësore apo tretman, ka thënë firma.
Është dashur tri vjet për të zhvilluar këtë aplikacion, ndërsa është bazuar në të dhënat e 65 mijë imazheve të gjendjeve të diagnostikuar, dhe miliona imazhe që tregojnë shenja të njerëzve që janë shqetësuar, dhe mijëra fotografi të lëkurës së shëndoshë.