100 pacientë e nisën 2022 tek Infektivi, 13 të shtruar gjatë natës

Shqipëria

100 pacientë e nisën 2022 tek Infektivi, 13 të shtruar gjatë natës

Më: 1 janar 2022 Në ora: 17:04
Foto ilustrim

Dita e parë e 2022 i gjeti këta qytetarë nga Lushnja para dyerve të infektivit në QSUT. Kanë sjellë me urgjencë nusen e djalit, vetëm 27 vjeç për shkak të gjendjes së rënduar shëndetësore si pasojë e Covid.

Ajo është në muajin e tetë të shtatzënisë, por fatkeqësisht ne ditën e pare te vitit do të përjetojë një lajm të keq.

Mjeket kane vendosur ndërprerjen e shtatzënisë për t’i shpëtuar jetën. Gjatë orëve të para të 1 janarit ndërsa shumë familje festonin ndërrimin e viteve, 13 pacientë të infektuar me Covid, janë dërguar me urgjencë në Infektiv për ndihmë të specializuar mjekësore.

Pjesa më e madhe e tyre ishin në gjendje të rëndë shëndetësore. Rreth 100 paciente e kaluan natën e ndërrimit të viteve në spitalin Covid, ku janë shtruar dhe ku po kurohen. Dhjetë prej tyre sipas mjekëve në terapi intensive.

Mëngjesi sërish pati urgjenca në Infektiv. Sirenat e autoambulancave thyenin herë pas here heshtjen e kësaj dite në QSUT. Gjatë dy orëve që ABC qëndroi pranë Infektivit kanë mbërritur 5 autoambulanca me raste urgjente që kane nevojë për ndihmë mjekësore. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat