Kanabis në mes të pyllit në Shkodër, arrestohen dy “pronarët”, çfarë u gjet pranë tokës së mbjellë

Shqipëria

Kanabis në mes të pyllit në Shkodër, arrestohen dy “pronarët”, çfarë u gjet pranë tokës së mbjellë

Më: 4 korrik 2022 Në ora: 16:40
Foto ilustrim

Një rast i kultivimit të bimëve narkotike është goditur këtë të hënë nga policia në vendin e quajtur “Pylli i Staneve të Gakut”, në fshatin Gimaj të Shkodrës.

Kanabisi ishte mbjellë në ambient të hapur në një zonë të pyllëzuar, i cili u konstatua nga kontrollet nga ajri me dron.

Mësohet se në afërsi të këtij ambienti u bë e mundur kapja  dhe arrestimi në flagrancë i: E. D., 25 vjeç, banues në fshatin Grudë e Re, Shkodër dhe M. N., 23 vjeç, banues në lagjen “3 Heronjtë”, Shkodër.

Po ashtu u sekuestrua një arme zjarri automatik dhe municioni luftarak, të cilat u gjendënnë një ambient në afërsi të sipërfaqes së mbjellë me bimë narkotike.

Ndërkohë, materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Kultivimi i bimëve narkotike”, kryer në bashkëpunim dhe “Mbajtja pa leje e armëve dhe i municionit”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat