Pedagogia e e afërme e vogëlushes që vdiq tragjikisht në Himarë, bën paralajmërimin e fortë

Shqipëria

Pedagogia e e afërme e vogëlushes që vdiq tragjikisht në Himarë, bën paralajmërimin e fortë

Më: 3 gusht 2022 Në ora: 08:28
Himarë

Një ngjarje e rëndë u shënua ditën e djeshme në plazhin e Potamit në Himarë, ku një skaf përplasi për vdekje një vajzë 7-vjeçare.

7-vjeçarja është e afërmja e pedagoges së njohur dhe aktivistes Ilirjana Kuçana, e cila reagon e tronditur për këtë lajm.

Ajo shkruan se u trondit nga lajmi pa e ditur akoma se vajza ishte gjaku i saj, teksa zotohet se rasti do të zbardhet deri në fund.

“Çdo prind që ka parë lajmin e kobshëm është tronditur e ka kthyer thikën nga vetja. Së pari jam thellësisht në shok dhe e shkatëruar. Vajza që sot vdiq në aksidentin në Potam është vajza e djalit të dajës sim.

Së dyti si prind i një fëmije të po së njejtës moshë jam prekur thellësisht pa u informuar se në fakt viktima ishte e afërmja ime e gjakut.

Zotohem që ky rast nuk do të mbetet pa zbardhur dhe pa përndjekur të gjithë zinxhirin e përgjegjësve. Ky krim i kobshëm nuk ka vetëm një autor, atë të papërgjegjshëm që ka qenë duke drejtuar skafin. I shpreh thellësisht ngushëllimet kushëririt tim të parë, Bledit dhe bashkëshortes së tij për këtë humbje të madhe.

Zoti i dhëntë durim! Ata prindër janë me të vërtet heronj dhe sot po i lutem Zotit që të gjejnë forcën për tu ngritur përsëri në këmbë pas kësaj fatkeqësie! Zoti i ndëshkoftë këta njerëz!” shkruan ajo në postim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat