Një hangar ku mbahet baza ushqimore për blegtorinë, është përfshirë nga flakët në fshatin Orman të Bashkisë së Maliqit. Si pasojë e flakëve është shkrumbuar e gjithë lënda ushqyese e grumbulluar për kafshët.
Hangari ka qenë i pozicionuar mes një blloku të banesave private duke rrezikuar që flakët të përhapeshin dhe më tej.
Fillimisht kanë qenë banorët e zonës ata që janë munduar për të mos lejuar flakët e zjarrit të perhapen, e më pas shërbimi zjarrfikës i Maliqit.
Ndërhyrja e zjarrfikësve ka bërë të mundur shuarjen e flakëve.
Mbajtja e bazës ushqimore për blegtorinë brenda qendrave të banimit është kthyer në një shqetësim për shërbimin zjarrfikes pasi nuk është hera e parë që përballen me një situatë të tillë.
Burime pranë shërbimit zjarrfikës të bashkisë së Maliqit bejne me dije se dëmet materiale kanë qenë të mëdha.