I shoqëruar nga mbështetësit, Berisha paraqitet në GJKKO

Shqipëria

I shoqëruar nga mbështetësit, Berisha paraqitet në GJKKO

Më: 17 shkurt 2025 Në ora: 10:06
Kreu i Partisë Demokratike, Sali Berisha

Kreu i Partisë Demokratike, Sali Berisha është paraqitur pranë oficerit të Byrosë Kombëtare të Hetimit në zbatim të masës së sigurisë “detyrim paraqitje” të cilën duhet ta zbatojë të hënën e parë dhe të tretë të çdo muaji.

Më herët, më datë 3 shkurt ai mori leje në Prokurorinë e Posaçme për shkak se udhëtoi jashtë Shqipërisë për një takim me ftesë të CDU-së lidhur me Kongresin që kjo forcë politike mbajti në Gjermani, ku prokurorët e SPAK të kësaj dosje, konkretisht Arben Kraja dhe Enkeleda Millonai, miratuan kërkesën e Berishës për të mos u paraqitur në datën e caktuar nga Gjykata.

Aktualisht pranë ambienteve të SPAK dhe Gjykatës së Posaçme janë paraqitur simpatizantë dhe deputetë të PD, në mbështetje të Sali Berishës.

Gjithashtu janë marrë masa nga ana e Policisë së Shtetit për të ruajtur sigurinë dhe mbarëvajtjen e paraqitjes së Kreut të PD, paraqitje e cila pritet të zgjasë pak minuta.

comment Për komente lëvizni më poshtë
Sot mund të lexoni Shfletoni kopertinat