Aksident i rëndë në Durrës-Shijak, furgoni përplas 55-vjeçarin

Shqipëria

Aksident i rëndë në Durrës-Shijak, furgoni përplas 55-vjeçarin

Më: 16 mars 2025 Në ora: 10:20
Foto ilustrim

Një burrë rreth 55 vjeç ka pësuar një aksident të rëndë mëngjesin e sotëm, ndërsa udhëtonte me biçikletë në Xhafzotaj, në aksin Durrës-Shijak.

Mjeti që ka përplasur viktimën ka qenë një furgon i linjës së Gjirokastrës, ndërsa përplasja ka qenë e fortë, duke lënë të plagosur rëndë 55-vjeçarin.

I plagosuri është transportuar me urgjencë në spitalin e Durrësit, ku po merr ndihmën mjekësore.

Ndërkohë, drejtuesi i furgonit është shoqëruar në Komisariat nga forcat e policisë për hetime të mëtejshme.

comment Për komente lëvizni më poshtë
Sot mund të lexoni Shfletoni kopertinat