Në një ngjarje të pazakontë, një çift i ri në Elbasan ka vendosur të ushtrojë të drejtën e tij të votës gjatë ditës së dasmës.
Në një moment të veçantë, nusja dhe dhëndri janë parë duke hyrë së bashku në një qendër votimi, duke ushtruar të drejtën e tyre të votës.
Të veshur me veshje tradicionale, dasmorët kanë ndarë gëzimin e tyre me të pranishmit, duke krijuar një imazh të bukur dhe simbolik të bashkimit të jetës dhe angazhimit qytetar.
Ndërkohë, Komisioni Qendror i Zgjedhjeve në Shqipëri ka publikuar shifrat për pjesëmarrjen në zgjedhje deri në orën trembëdhjetë.
Që prej momentit kur u hapën qendrat në të gjithë vendin, raportohet se pjesëmarrja ka qenë njëzet e gjashtë pikë gjashtëdhjetë e gjashtë për qind nga dy mijë e shtatëqind e dyzet e tetë qendra votimi që kanë çuar informacionin në KQZ.
Krahasuar me pjesëmarrjen në zgjedhjet lokale të dy viteve më parë, ka një rritje me rreth dy pikë gjashtë për qind më shumë, ndërkohë që në zgjedhjet e përgjithshme të para katër viteve, pjesëmarrja deri në orën trembëdhjetë ka qenë tridhjetë e një pikë pesëdhjetë e dy për qind.