Temperaturat e larta të ditëve të fundit kanë ndikuar në përkeqësimin e disa sëmundjeve, kjo është reflektuar edhe me thirrjet në drejtim të Urgjencës kombëtare, të cila ka qenë ndjeshëm më të larta në qershor.
‘Qershori ka një rritje të numrit gati 20 thirrje më shumë në ditë se sa vetë muaji Maj për problematika që janë të lidhura me vapën”,-tha Skënder Brataj.
Por cilat janë problematikat shëndetësore më të shprehura në këtë periudhë veçanërisht tek fëmijët por nuk përjashtohen as të rriturit.
“Janë dehidratimi për shkak të temperaturave, dëmtimet nga dielli, gastroenteritet, temperaturat, dermatitet, otitet”,-tha shefi i urgjencës, Brataj.
Gastroenteritet apo siç njihen në gjuhën popullore viroza me bark e të vjella, janë ato që mbizotërojnë, dhe që shpesh tentojmë ti ndalojmë pa e ditur që po bëjmë gabim.
“Mos tento të ndalosh diarrenë ditën e parë, qoftë fëmijë apo i rritur, që të eliminoje toksinat apo agjentin që e ka shkaktuar , virusi ose mikrobi dhe pastaj ti bëj një rehidratim për të zëvendësuar likidet dhe kripërat që humbasim nëpërmjet diarresë të vjellave dhe djersitjes”,-u shpreh Brataj.
Konsumimi i lëngjeve dhe ujit është një domosdoshmëri gjatë verës.
“Duke ditur që fëmija nuk kërkon, duhet të jemi ne të kujdesshëm që ti japin atë sasi likidesh, po ashtu dhe tek moshat e treta fakti që ulet metabolizmi nuk kemi etje. Por sigurisht organizmi e do atë sasi uji, pra atë shishen gjysmë litri, ta dimë sa ka pirë, 3 –4 shishe në ditë dhe shpesh nga pak por duhet që në harkun e 24 orëve ne ti marrim ato”,-u shpreh shefi i urgjencës.
Ndërsa duhet të konsumojmë sa më shumë fruta, perime dhe ushqime të lehta, kujdes duhet
“Nëse ne e marrim një ushqim e nxjerrim dhe nuk e mbarojmë e fusim prap dhe e nxjerrim, sigurisht që është një burim I depozitimit të mikrove që do na shkakotjnë gastreneterite me diarre te vjella, marrje mendsh ulje tensioni e kështu me radhë”,-tha Brataj.
Mjekët apelojnë që të shmangen daljet në orët e pikut veçanërisht për fëmijët, të moshuarit dhe të sëmurët kronik.
