Mbyllen hetimet për dosjen e ish-presidentit Meta, SPAK ua komunikon të pandehurve

Shqipëria

Mbyllen hetimet për dosjen e ish-presidentit Meta, SPAK ua komunikon të pandehurve

Më: 28 korrik 2025 Në ora: 14:58
Ilir Meta

SPAK ka mbyllur hetimet për dosjen “Meta”, ndërsa të pandehurit kanë nisur paraqitjen në këtë institucion për t’u njohur me përfundimet e hetimeve.

E para që ka hyrë në ambientet e SPAK ka qenë Ema Çoku, e cila është hetuar për veprën penale të pastrimit të parave.

Po këtë të hënë, është paraqitur në SPAK edhe Fatime Kryemadhi, ndërsa në ditët në vijim, konkretisht të mërkurën, pritet të paraqitet edhe Monika Kryemadhi.

Gjithashtu, po sot do t’i komunikohet mbyllja e hetimeve edhe Pirro Xhixhos.

Për ish-presidentin Ilir Meta ende nuk dihet se kur do t’i komunikohet zyrtarisht mbyllja e hetimeve.

Avokati i tij, Kujtim Cakrani, deklaron se deri më tani nuk ka marrë asnjë njoftim nga SPAK.

comment Për komente lëvizni më poshtë
Sot mund të lexoni Shfletoni kopertinat