Reshjet e dendura të shiut/ Rrëshqitje gurësh në zonën e Shkopetit, bllokohet rruga pranë tunelit

Shqipëria

Reshjet e dendura të shiut/ Rrëshqitje gurësh në zonën e Shkopetit, bllokohet rruga pranë tunelit

Më: 29 korrik 2025 Në ora: 08:23
Foto nga vendngjarja

Reshjet e dendura te shiut gjatë natës, kanë sjellë probleme në zonën e Shkopetit. Masive gurësh kanë rrëshkitur duke bllokuar rrugën pranë tunelit të Shkopetit.

Masive të mëdha gurësh, kanë rënë dhe në objektet e kompanisë HEC-it madje dhe në vendin ku qëndron roja i objektit, fatmirësisht pa pasoja.

Menjëherë punonjësit e mirëmbajtjes së rrugës Skuraj- Burrel në orët e para të mëngjesit, janë në vendngjarje për të larguar masivet e gurëve, ndërsa pritet të mbërrijë fadromat për hapjen e plotë të këtij aksi rrugor.

Sakaq janë shkulur dhe pyje që ndodhen pranë rrugës, nga reshjet gjatë natës në zonën e Shkopetit pranë tunelit.

comment Për komente lëvizni më poshtë
Sot mund të lexoni Shfletoni kopertinat