Aksident në Lushnjë, makina përplas 43-vjeçarin që lëvizte me biçikletë

Shqipëria

Aksident në Lushnjë, makina përplas 43-vjeçarin që lëvizte me biçikletë

Më: 18 mars 2026 Në ora: 09:28
Foto nga vendi i ngjarjes

Një aksident automobilistik ka ndodhur mëngjesin e sotëm në Lushnjë.

Aksidenti ka ndodhur në Bypass, ku një mjet tip Benz ka goditur shtetasin Odisa Petro, 43 vjeç, i cili udhëtonte me biçikletë.

Si pasojë e kësaj goditjeje, ka marrë dëmtime në pjesën e këmbëve drejtuesi i biçikletës, i cili është transportuar drejt spitalit të Lushnjës. Sipas informacioneve nga spitali, gjendja e tij është jashtë rrezikut për jetën.

Nga hetimet e para dyshohet se shkak i aksidentit është fakti që drejtuesi i biçikletës ka humbur kontrollin, duke dalë në karrexhatën ku udhëtonte automjeti.

Edhe pse drejtuesi i automjetit ka frenuar, nuk e ka shmangur dot goditjen.

comment Për komente lëvizni më poshtë
Sot mund të lexoni Shfletoni kopertinat