​Rama pret ambasadorin Whitaker, diskutime për Samitin e NATO-s në Tiranë

Shqipëria

​Rama pret ambasadorin Whitaker, diskutime për Samitin e NATO-s në Tiranë

Më: 24 prill 2026 Në ora: 19:48
Pamje nga takimi

Kryeministri i Shqipërisë Edi Rama priti sot në Kryeministri ambasadorin e Shteteve të Bashkuara të Amerikës në NATO, Matthew Whitaker.

Rama theksoi në një postim në rrjetet sociale se në takim u fol për lidhjen e ngushtë mes dy vendeve, si dhe partneritetin strategjik mes dy shteteve.

“Folëm për lidhjen e ngushtë mes vendeve tona, partneritetin strategjik mes shteteve tona, marrëdhëniet tona të shkëlqyera diplomatike e ushtarake, forcimi i të cilave është prioritet i përbashkët”, shkroi Rama.

Kreu i qeverisë nënvizoi se në takim u bisedua edhe për Samitin e NATO-s vitin e ardhshëm në Tiranë.

Ku Shqipëria do të bëhet pikëtakimi i aleancës më të madhe ushtarake të botës.

comment Për komente lëvizni më poshtë
Sot mund të lexoni Shfletoni kopertinat