Tregu i kriptomonedhave shtoi 114 miliardë dollarë vlerë në 24 orë

Teknologji

Tregu i kriptomonedhave shtoi 114 miliardë dollarë vlerë në 24 orë

Më: 26 korrik 2021 Në ora: 16:14
Foto ilustrim

Ditën e Dielë bitcoin u ngjit në 39 mijë dollarë për herë të parë që prej muajit Qershor. Në këto momente që shkruajmë bitcoin këmbehet me 38,089 dollarë, një rritje me 11% vetëm në 24 orët e fundit.

Ky nivel u arrit vetëm më 16 Qershor kur bitcoin këmbehej me 39,554 dollarë. Rritja e kriptomonedhës më popullore në botë ndihmoi edhe monedhat tjera si ether me 5.9% në 2,299 dollarë.

Mbarë sektori i kriptomonedhave u rrit me 114 miliardë dollarë në 24 orët e fundit. Rritja vjen pas një shitjeje masive që dërgoi bitcoin nën 30 mijë dollarë dhe nxitur frikën se mund të bjerë akoma më poshtë.

Pak ditë më parë CEO i Tesla tha se kompania e tij mund të rifillojë pagesat në bitcoin në momentin që kriptomonedha të reduktojë mbështetjen në energji gjeneruar nga hidrokarbure.

Shfaq komentet
comments powered by Disqus
Sot mund të lexoni Shfletoni kopertinat