Shërbimet e Spotify në Rusi do të përfundojnë të hënën.
Sipas medieve të huaja, kompania mbylli zyrat e saj ruse në fillim të marsit dhe kufizoi aksesin në shfaqjet e operuara nga mediat e lidhura me shtetin rus.
Kompania kishte mbajtur shërbimet e saj në dispozicion, duke përmendur rëndësinë e “rrjedhës globale të informacionit”. Por pas miratimit të një ligji të gjerë të “lajmeve të rreme”, që kërcënonte me burgim për përhapjen e “informacionit të rremë”, për forcat ruse, Spotify njoftoi vendimin e tij për një pezullim të plotë.
“Fatkeqësisht, legjislacioni i miratuar kohët e fundit që kufizon më tej aksesin në informacion, eliminimin e shprehjes së lirë dhe kriminalizimin e llojeve të caktuara të lajmeve, vë në rrezik sigurinë e punonjësve të Spotify dhe ndoshta edhe të dëgjuesve tanë”, thuhej në deklaratë.
