Musk u tha investitorëve se do të dyfishonte ose trefishonte paratë e tyre nëse ata e mbështesnin atë në blerjen e Twitter-it

Teknologji

Musk u tha investitorëve se do të dyfishonte ose trefishonte paratë e tyre nëse ata e mbështesnin atë në blerjen e Twitter-it

Më: 7 maj 2022 Në ora: 16:25
Elon Musk

Elon Musk u tha investitorëve se kishte shumë besim se do t’i dyfishonte ose trefishonte paratë e tyre nëse ata mbështesnin blerjen e tij prej 44 miliardë dollarësh të Twitter.

Sipas mediave të huaja, në takimet me investitorët, Musk shkoi aq larg sa tha se ata mund të shihnin kthime prej pesë deri në dhjetëfishin e investimeve të tyre nëse gjithçka shkonte mirë.

Para se të bënte ofertën e tij zyrtare për të blerë Twitter, Musk tha se kishte siguruar 46.5 miliardë dollarë financim për marrëveshjen.

Një dosje rregullatore e publikuar të enjten tregoi se Musk kishte sjellë një grup mbështetësish të rinj, të cilët së bashku i shtuan ofertës së tij financim prej 7.1 miliardë dollarësh.

Musk u tha gjithashtu investitorëve se ai mund të dyfishonte bazën e përdoruesve të Twitter në më shumë se 500 milionë deri në vitin 2025, thanë për The Times katër burime të informuara për fushatat e investitorëve të Musk. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat