“Populli foli”- Elon Musk rikthen llogarinë e ish-presidentit Donald Trump në Twitter

Teknologji

“Populli foli”- Elon Musk rikthen llogarinë e ish-presidentit Donald Trump në Twitter

Më: 20 nëntor 2022 Në ora: 07:40
Elon Musk dhe Donald Trump

Pronari i ri i Twitter-it, Elon Musk, ka deklaruar se llogaria e ish-presidentit amerikan Donald Trump është rikthyer në platformë.

Vendimi erdhi pas një sondazhi që Musk organizoi në Twitter në lidhje me rikthimin ose jo të llogarisë së ish-presidentit.

“Njerëzit kanë folur”, shkroi Musk në Twitter, duke thënë se 51.8% e më shumë se 15 milionë përdoruesve të Twitter votuan për heqjen e ndalimit.

Por ish-presidenti amerikan mund të mos kthehet në platformë, duke deklaruar më herët: “Unë nuk shoh ndonjë arsye për këtë”.

Kujtojmë se llogaria e tij u pezullua në vitin 2021 për shkak të nxitjes së dhunës gjatë trazirave në Kapitol.

Menaxhmenti i mëparshëm i Twitter veproi vetëm disa ditë pasi mbështetësit e Donald Trump sulmuan Kapitolin më 6 janar të vitit 2021, ku qindra protestues hynë në kompleks teksa Kongresi priste të certifikonte fitoren e Joe Biden.

Dhuna që pasoi çoi në vdekjen e katër civilëve dhe një oficeri policie.

Menjëherë pas trazirave, llogaritë e Donald Trump në Facebook, Instagram dhe YouTube, të cilat kishin të gjitha dhjetëra miliona ndjekës, u pezulluan gjithashtu.

Disa muaj më vonë, ai lançoi platformën e tij të mediave sociale, Truth Social.

Rikthimi i Trump në Twitter vjen në një moment kyç politik, pasi ai një javë më parë shpalli zyrtarisht kandidimin për zgjedhjet e vitit 2024 në Amerikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat