Mijëra përdorues në mbarë botën nuk po mund të kenë qasje në shërbimet e Microsoft, duke përfshirë Teams dhe Outlook, raporton BBC.
Downdetector, që monitoron faqet e internetit, ka treguar se më shumë se 5 mijë njerëz vetëm në Mbretërinë e Bashkuar, raportojnë se nuk po mund të kenë qasje në shërbimin e tyre të postës elektronike Outlook.
Shërbimet e tjera si Teams dhe Xbox Live, nuk janë gjithashtu funksionale për shumëkënd. Në anën tjetër, nga Microsoft kanë bërë të ditur se po hetojnë shkaqet.
Microsoft Teams përdoret nga më shumë se 280 milionë njerëz në mbarë botën, kryesisht si pjesë kyçe e biznesit, por përdoret edhe nga shkollat. Ndër të tjera, përdoret për thirrje, takime dhe organizime.
