Komisioneri evropian Thierry Breton i dërgoi një letër CEO të Alphabet, Sundar Pichai, duke i kujtuar atij detyrimet e kompanisë sipas Aktit të Shërbimeve Dixhitale të BE-së (DSA) si një platformë e madhe në internet për të parandaluar që përmbajtjet e paligjshme dhe dezinformatat të mos shpërndahen në YouTube rreth luftës së Izraelit me Hamasin.
“Pas sulmeve terroriste të kryera nga Hamasi kundër Izraelit, ne po shohim një rritje të përmbajtjes dhe dezinformimit të paligjshëm që shpërndahet në BE përmes platformave të caktuara”, shkroi Breton.
Ai shtoi se YouTube ka një detyrim për të mbrojtur fëmijët dhe adoleshentët në BE nga përmbajtja e dhunshme në platformë, duhet të ndërmarrë menjëherë veprime në përgjigje të njoftimeve nga BE dhe të ketë “masa zbutëse proporcionale dhe efektive” për të trajtuar rreziqet nga dezinformimi.
Në një deklaratë për The Verge, zëdhënësi i YouTube, Ivy Choi deklaroi, “pas sulmeve shkatërruese në Izrael dhe konfliktit të përshkallëzuar që po zhvillohet tani në Izrael dhe Gaza, ne kemi hequr dhjetëra mijëra video të dëmshme dhe kemi mbyllur qindra kanale”.
“Në të njëjtën kohë, sistemet tona vazhdojnë të lidhin njerëzit me lajme dhe informacione me cilësi të lartë. Ekipet tona po punojnë gjatë gjithë kohës për të monitoruar për pamjet e dëmshme dhe mbeten vigjilente për të ndërmarrë veprime të shpejta nëse është e nevojshme për të gjitha llojet e përmbajtjeve, duke përfshirë Shorts dhe transmetimet e drejtpërdrejta”, shtoi ndër të tjera Chon.
Në letrën e tij, Breton diskutoi gjithashtu “një fushë të dytë shqetësimi urgjent:” dezinformimin në zgjedhje. “Ju ftoj të informoni ekipin tim mbi detajet e masave që keni marrë për të zbutur çdo ‘deepfake’, gjithashtu në dritën e zgjedhjeve të ardhshme në Poloni, Holandë, Lituani, Belgjikë, Kroaci, Rumani dhe Austri, si dhe zgjedhjet e Parlamentit Evropian. ”, kishte shkruar tutje Breton.
