SPB Tetovë: Për dy muaj parashtresa kundër 430 personave për vozitje pa patent shoferi

Tetova

SPB Tetovë: Për dy muaj parashtresa kundër 430 personave për vozitje pa patent shoferi

Më: 28 shkurt 2022 Në ora: 12:45
Foto ilustrim

SPB Tetovë informon se në dy muajt e parë të këtij viti, janar dhe shkurt, duke përfshirë ditën e sotme (28-shkurt), në zonën e SPB Tetovë janë zbuluar dhe sanksionuar me parashtresa përkatëse gjithsej 430 persona (TE-332 dhe GV-98) gjegjësisht shoferë që drejtonin automjete pa kaluar provimin për patentë shoferi.

Shumica e të sanksionuarve janë regjistruar muajin e kaluar. Bëhet fjalë kryesisht për shoferë të moshës 17 deri në 40 vjeç, të cilët pa patentë shoferi drejtonin mjetet e tyre ose të të tjerëve, më së shpeshti nga personat e tyre të afërm.

“Të gjithë janë përjashtuar menjëherë nga trafiku dhe janë përgatitur parashtresat ndaj tyre, në mënyrë që të përballen me gjobat e parapara të cilat për këtë lloj kundërvajtjeje në komunikacion sipas Ligjit për siguri në komunikacionin rrugor, janë 250 euro në kundërvlerë në denarë, si dhe gjoba në atë shumë i presin pronarët e automjeteve që iu dhanë t’i drejtonin, edhe pse e dinin se nuk e kishin kaluar
testin e patent shoferit”.

“Sektori për Punë të Brendshme Tetovë apelon veçanërisht të rinjtë, por edhe tek të gjithë të tjerët që të mos ulen në timon pa e dhënë provimin e patent shoferit dhe të vënë në rrezik sigurinë e tyre dhe të pjesëmarrësve të tjerë në trafik. Sepse, pa trajnuar dhe mungesa e papërvojës së tyre mund të jetë shkaku i prioprobleme të padëshiruara në trafik, shpesh me pasojat më të rënda”, thuhet në njoftimin e SPB Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat