Përmbytjet në Tetovë, Kasami: Nuk ishim të gatshëm për situata si kjo

Tetova

Përmbytjet në Tetovë, Kasami: Nuk ishim të gatshëm për situata si kjo

Më: 29 maj 2022 Në ora: 20:24
Kryetari i Komunës së Tetovës, Bilall Kasami

Reshjet e dendura të shiut që kapluan sot të gjithë territorin e vendit e me theks të veçantë zonën e Pollogut, shkaktuan përmbytje nëpër shumë qytete.

Qyteti i Tetovës është ndër qytetet ku reshjet e shiut përmbytën rrugët, madje dëmtuan edhe prona private të qytetarëve.

Kryetari i Komunës së Tetovës, Bilall Kasami në një prononcim për mediat tha se komuna nuk është e gatshme për situata siç ishin vërshimet e sotme.

“Situata në terren tregon se komuna nuk ishte aspak e gatshme për situata të tilla. E them edhe një herë që situata është konstatuar shumë më herët nga ekipet, sidomos për gjendjen e kanalizimeve, por nuk është bërë asnjë ndërhyrje. Tashmë në situatën në të cilën ndodhet komuna financiarisht, ne nuk kemi komoditet të ndërhyjmë edhe pse është e nevojshme. Sidoqoftë do të gjejmë mënyrën për t’i ndihmuar qytetarët”, tha Kasami.

Ndryshe, mot me shi dhe breshër ka mbajtur dhe në fshatrat e Tetovës, me ç’rast ka pasur dhe rrëshqitje të dheut dhe bllokim të rrugëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat