Remenski: Qytetarët ta shfrytëzojnë të drejtën e garantuar me Kushtetutë në referendum - Bota Sot
Remenski: Qytetarët ta shfrytëzojnë të drejtën e garantuar me Kushtetutë në referendum

Tetova

E hënë, 15 tetor 2018

Remenski: Qytetarët ta shfrytëzojnë të drejtën e garantuar me Kushtetutë në referendum

Më: 9 shtator 2018 Në ora: 19:41
Nënkryetarja e Kuvendit Frosina Remenski sot në Tetovë

Nënkryetarja e Kuvendit Frosina Remenski sot në Tetovë tha se “qytetarët duhet ta shfrytëzojnë të drejtën e tyre të garantuar me Kushtetutë në referendum, sepse kjo nuk është çështje që prek partitë, por është çështje për të ardhmen e Maqedonisë”.

Ajo tha se me daljen e qytetarëve në referendum do të thuhet se çfarë ardhmërie dëshirojnë për vete dhe për fëmijët e tyre dhe se do të kontribuojnë të hapet rruga euro-atlantike e Maqedonisë, përcjell Telegrafi Maqedoni.

“Me daljen në referendum, ku qytetarët do të tregojnë se çfarë ardhmërie dëshirojnë për fëmijë e tyre, do të kontribuojnë të hapet rruga euro-atlantike e Maqedonisë që në të njëjtë kohë do të thotë edhe plotësim i interesave strategjike të Maqedonisë, dhe këto janë anëtarësimi në BE dhe NATO që njëzëri është pranuar nga të gjitha partitë politike në periudhën e kaluar”, tha Remenski.

Deputetja Tatjana Lallçeska theksoi se me marrëveshjen e arritur me Greqinë pastrohet rruga për hyrje të Maqedonisë në BE dhe NATO duke shtuar se gjuha maqedonase dhe identiteti maqedonas janë mbrojtur.

“Marrëveshja garanton të drejtën e maqedonasve të quhen maqedonase kështu që populli maqedonase dhe identiteti janë vërtetuar, dhe nuk do të ketë kontestime. Për këtë shkak kjo është mundësi historike për të gjithë ne. Përgjegjësia është e madhe, secili duhet të dal dhe të sjell vendim dhe më 30 shtator të zgjedh për ardhmëri më të mirë dhe për Maqedoni evropiane. Kjo do të thotë standard ekonomik më i mirë, siguri më e madhe, siguri për qytetarët, më shumë investime të huaja dhe hapje të vendeve të reja të punës” tha Lallçeska.

Sot mund të lexoni Shfletoni kopertinat
Sondazh
test