Klubi i volejbollit Fushë Kosova ka regjistruar fitoren e tretë nga katër takimet e deritashme në Superligën e Kosovës (femrat).
Vashat e Fushës Kosovës si mysafire e mposhtën me rezultat bindës 3:0 (25:2,25:17, 25:12) Feronikelin nga Drenasi.
Seti i parë ka qenë bindës, 2:25 apo rekord për Kosovë, ndërsa në dy setet e fundit pak më mirë ka luajtur skuadra vendase por që i humbi setet me 17:25, 12:25.
Kryetrajneri i Fushës Kosovës, Istref Elezaj, tha se treguan lojë shumë të mirë dhe i përgëzon vashat për angazhim dhe për fitoren e tretë në kampionat.
Ai shpreson se do të arrijnë rezultate sa më të mira deri në fund të stinorit vjeshtor.
“Ndeshja u kontrollua qysh nga fillimi nga lojtaret tona, të cilat po vazhdojmë të tregojnë që janë në rrugë të mbarë për rezultate kulminante”, ka thënë Elezaj.