Një fshat në qendër të Mianmarit është djegur nga junta ushtarake, duke vrarë të paktën dy persona dhe duke shkatërruar rreth 200 shtëpi në grumbuj hiri dhe rrënojash, u thanë banorët mediave lokale, raporton TheGuardian.
Forcat e sigurisë i vunë zjarrin fshatit Kin Ma, në rajonin Magway, të martën pasdite pas luftimeve me kundërshtarët e juntës, sipas banorëve. Më shumë se 1.000 njerëz janë strehuar në pyll dhe fshatrat afër, ndërsa të paktën dy të moshuar, të cilët nuk kishin qenë në gjendje të largoheshin, u dogjën për vdekje, thanë fshatarët për faqen e lajmeve Irrawaddy.
Televizioni shtetëror MRTV fajësoi "terroristët" për zjarrin dhe tha se mediat që raportuan ndryshe "po bënin komplot për të diskredituar ushtrinë". MRTV tha se 40 "terroristë" i vunë flakën një shtëpie në Kin Ma, duke filluar një zjarr që u përhap në 100 nga 225 shtëpitë e fshatit.
