Aksidenti ajror ku u vranë 66 njerëz u shkaktua nga cigarja e pilotit, thonë hetimet

Azia

Aksidenti ajror ku u vranë 66 njerëz u shkaktua nga cigarja e pilotit, thonë hetimet

Më: 27 prill 2022 Në ora: 20:50
Piloti i avionit

Një avion i linjave EgyptAir që u përplas teksa fluturonte drejt Kairos duke vrarë të gjithë 66 njerëzit që ishin në bord, u rrëzua nga cigarja e pilotit në kabinë që më pas shkaktoi një zjarr, u tha në një raport të ri mbi ngjarjen.

Avioni po fluturonte më 19 maj 2016, nga aeroporti Charles de Gaulle në Paris drejt aeroportit ndërkombëtar të Kairos, kur u rrëzua diku mes ishullit grek të Kretës dhe veriut të Egjiptit.

Por zyra franceze e hetimit të aviacionit civil ka arritur tashmë në konkluzionin se piloti Mohamed Said Shoukair i cili po tymoste në kabinën e avionit Airbus A320, kishte shkaktuar një zjarr të nxitur gjithashtu nga rrjedhja prej një maske oksigjeni në kabinë.

Katastrofa ajrore shkaktoi vdekjen e 56 pasagjerëve dhe 10 anëtarëve të ekuipazhit, mes tyre 12 francezë, 30 egjiptianë, dy irakenë, një kanadez dhe një britanik.

Autoritetet egjiptiane kishin thënë se rrëzimi erdhi si pasojë e një sulmi terrorist duke pretenduar se gjurmë eksplozivi ishin gjetur në trupat e viktimave, por supozimet janë hedhur poshtë.

Në vitin 2018, agjencia franceze e aviacionit BEA tha se fluturimi ishte rrëzuar prej një zjarri në bord, bazuar në analizat e kutive të zeza të avionit. Këto të fundit u rekuperuan nga uji prej marinës geke dhe amerikane.

Në mars 2022, raporti francez tha se një rrjedhje oksigjeni nga maska e pilotit ka qenë shkaku i zjarrit, sipas tyre prej regjistrimit të zhurmës së daljes së oksigjenit.

Maska e oksigjenit në fjalë ishte zëvendësuar disa ditë para tragjedisë, por për arsye të panjohura ishte vendosur në pozicionin e “emergjencës,” që sipas manualit të Airbus, mund të shkaktojë rrjedhje oksigjeni.

Në kohën e aksidentit pilotët e EgyptAir lejohej të tymosnin në kabinën e pilotimit, çka e kombinuar me rrjedhjen e oksigjenit, krijojnë kushtet për zjarr, sipas ekspertëve francezë të aviacionit.

Avioni i përplasur është tashmë objekt i një padie për vrasje nga pakujdesia në gjykatën e Apelit në Paris.

Egjipti ka hartuar raportin e tij në 2018 mbi ngjarjen duke hedhur poshtë pretendimet e BEA, duke i quajtur “të pabaza.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat