Qielli mbi Kinë bëhet i kuq, qytetarët të shqetësuar për zjarr masiv

Azia

Qielli mbi Kinë bëhet i kuq, qytetarët të shqetësuar për zjarr masiv

Më: 9 maj 2022 Në ora: 21:35
Qielli mbi Kinë bëhet i kuq

Qytetarët e qytetit port të Kinës Zhoushan u përballën me një gjë të pazakonshme, sepse qielli i tyre u bë i kuq.

Qielli i kuq shkaktoi panik te qytetarët, të cilët e regjistruan fenomenin dhe e shpërndanë në rrjetet sociale.

Sipas disa raporteve, kjo shkaktoi shqetësime për një zjarr masiv, raporton MoneyControl.

Natyra e fenomenit gjithashtu i shtyu përdoruesit e Twitterit të dilnin me teori të ndryshme, disa e quajtën atë një shenjë apokaliptike, derisa për të tjerët ishte thjeshtë një iluzion.

Megjithatë, teoritë u pushuan pasi autoritetet shpjeguan se thyerja dhe shpërndarja e dritës kanë bërë që qielli të merr ngjyrë të kuqe.

Sipas raportimeve nga mediat lokale kineze, stafi i byrosë meteorologjike tha se kjo kishte të bënte me motin.

“Kur kushtet e motit janë të mira, më shumë ujë në atmosferë formon ‘aerosole’ të cilat thyejnë dhe shpërndajnë dritën e anijeve të peshkimit dhe krijojnë qiellin e kuq”, thuhet në raportin e tyre.

Ndërkaq, media kineze CCTV ra në kontakt me një kompani lokale peshkimi, e cila konfirmoi se drita i përkiste njërës prej varkave të tyre dhe thyerja bëri që mbulesa e trashë e mjegullës të bëhej e kuqe.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat